ပိုၼ်းမိူင်းတႆး ပိုၼ်းတႆး ไทยใหญ่

ၶဝ်ႈဢၢၼ်ႇလႆႈတီႈၼႆႈၶႃႈ>>👉👉ပိုၼ်းမူိင်းတႆး

👉👉🏼👉https://sites.google.com/site/saiaungshanstate/home

ဢၼ်တႆးလီပႅတ်ႈ

ၵၢၼ်ၼမ်လႄႈဢမ်ႇတၼ်း တၼ်းယူႇလႄႈလွင်ႈဢမ်ႇဝႆႉၶၢဝ်းယၢမ်းမီးၵႃႈၶၼ် 

ပေႃးႁဝ်းတၼ်းၵႆႉၼွၼ်းဝၼ်း ဢမ်ႇၼၼ်ၵေႃႈၵႂႃႇလေႇပိူၼ်ႈ ၶၢဝ်းယၢမ်းဢၼ်ႁဝ်းၵႂႃႇလေႇပိူၼ်ႈၼၼ်ႉႁဝ်းပေႃးသုမ်းၶၢဝ်းယၢမ်းႁဝ်းယဝ်ႉ  ၵေႃႉဢၼ်းႁဝ်းၵႂႃႇလေႇၼၼ်ႉၵေႃႈ ဢၢင်ႈႁဵတ်းသင်ၵေႃႈဢမ်ႇၸၢင်ႈႁဵတ်းယဝ်ႉယွၼ်ႉႁဝ်းၵႂႃႇလေႇၶဝ် ၶဝ်ၵေႃႈသုမ်းၶၢဝ်းယၢမ်းၸွမ်းႁဝ်းထႅင်ႈ

       မိူင်းပိူၼ်ႈဢၼ်ပိူၼ်ႈမၢၵ်ႈမီးလီပဵၼ် လႄႈ ၶိုၼ်ႈယႂ်ႇ ၶၢဝ်းယၢမ်းတၼ်းပိူၼ်ႈဢမ်ႇၼွၼ်းဝၼ်းလႄႈၵႂႃႇလေႇ ၶၢဝ်းယၢမ်းၶဝ်တၼ်း ၶဝ်တေ ဢၢၼ်ႇလိၵ်ႈ ၶဝ်တေထွမ်ႇၶၢဝ်ႇ ၶဝ်တေႁဵတ်းသေၸိူဝ်ႉသေမဵဝ်း

        တေႃႈၼင်ႇဢုပ်ႇၵၼ်ၶဝ်တင်းဢမ်ႇ

ၼင်ႈသေဢုပ်ႇၵၼ် ပေႃးႁဝ်းလူဝ်ႇဢုပ်ႇၶဝ်  ၶဝ်သမ်ႉဢမ်ႇတၼ်းၶဝ်လူဝ်ႇႁဵတ်းၵၢၼ်ၼႆ 

ၶဝ်ဢမ်ႇၶၢမ်ႇသဵင်ႈၶၢဝ်းယၢမ်းသေမႃးၼင်ႈ

ဢုပ်ႇႁဝ်း  ႁဝ်းဢိူဝ်ႈတေလႆႈႁဵတ်းၵၢၼ်ၸွမ်း

ၶဝ်သေႁဝ်းၸင်ႇတေလႆႈဢုပ်ႇၶဝ်

        ၵွပ်ႈၼၼ်ၶၢဝ်းယၢမ်းၼႆႉၵိုတ်းဝႆႉဢမ်ႇလႆႈ ႁဝ်းလူဝ်ႇႁဵတ်းၸွမ်းႁႂ်ႈၶိုတ်းတၼ်း

တႆးႁဝ်းၼႆႉလုၵ်ႉတီႈၵူၼ်းဢမ်ႇႁူႉသေ သိုပ်ႇ

တိုဝ်းၵမ်ယုမ်ႇယမ်းၼၼ်ႉမီးၼမ်တႄႉꧦ

         ဢၼ်ႁဝ်းတိုဝ်းၵမ်ၽိတ်း

သၢမ် ႁီ သီႇႁမ် လီၵမ်တေႃႇၸူဝ်ႈ

သီႇပဝ်ႇ ၵဝ်ႈႁၢမ်း

မႂ်ႇၵမ်သွင် လွင်ႈၵမ်သီႇ

ႁႃႈ ပၼ်ႇတူၵ်း ႁူၵ်းပၼ်ႇ ၶိုၼ်ႈ

         { ၶေႃႈသပ်းလႅင်း သၢမ်ႁီသီႇႁမ်}

သၢမ်ႁီ သီႇႁမ် မၼ်းဢမ်ႇၸႂ်ႈ

မၼ်းပဵၼ် သၢမ်လီ သီႇႁၢမ်း

သၢမ်းလီ ပဵၼ်ဢီႈသင်လႃႇပေႃးၼႆ သၢမ်ၵေႃႈ

ပဵၼ် ၽြႃး တြႃး သင်ႇၶႃႇ ပေႃးႁဝ်းယုမ်ႇယမ်

လႄႈတိုဝ်းၵမ်း ၸွမ်းၶေႃႈသင်ႇၵႂၢမ်းသွၼ်

ၽြႃးပဵၼ်ၸဝ်ႈ လႄႈတြႃးပဵၼ်ၸဝ်ႈ လႄႈ

ထွမ်ႇၶေႃႈသင်ႇၵႂၢမ်းသွၼ် သင်ႇၶႃႇၶဝ်ႈၸဝ်ႈ

ပေႃးႁဝ်းတိုဝ်းၸွမ်းသၢမ်ဢၼ်ၼႆႉၼႆ

သီႇႁၢမ်းယဝ်ႉ  သီႇ ဢၼ်ဝႃႈၼႆႉပဵၼ် မိူင်း

ဢ ပႄႇသီႇသီႇၽုင်ႇ မိူင်းပိၵ်ႉတႃႇ ဢသူႇရ

ၵႄႇ ဢၼ်ဝႃႈၼၼ်ႉႁဝ်းႁၢမ်းယဝ်ႉႁဝ်းဢမ်ႇ

လႆႈၵႂႃႇယဝ်ႉ ႁဝ်းလွတ်ႈယဝ်ႉ ၵွပ်ႈၼၼ်လႄႈ

ဝႃႈ {သမ်လီ သီႁမ်} ၵွပ်ႈပိူဝ်ႈဝႃႈ လိၵ်ႈတႆး

ၵဝ်ႇႁဝ်းမိူဝ်ႈၼၼ်ႉ တႅမ်ႈဢွၵ်ႇသဵင် ဢမ်ႇတႅတ်ႈ ဢမ်ႇပဵၼ်လႆႈသဵင်လဵဝ် လႄႈ ၵူၼ်းႁေႃး

မၼ်းၵေႃႈ ႁူႉလိၵ်ႈၵူၺ်း ဢမ်ႇႁူႉလၢႆး လႄႈ

ၸွင်ႇလႆႈဢွၵ်ႇသဵင်ဝႃႈ သၢမ်ႁီ သီႇႁမ် လီၵမ်

တေႃႇၸူဝ်ႈ ၵူၼ်းထွမ်ႇ မၼ်းၵေႃႈ ဢမ်ႇပွင်ႇ

ၸႂ်သေ ထၢင်ႇဝႃႈပေႃးတေၵႂႃႇၵႃႉ ၵႂႃႇၶၢႆ

ဢွၵ်ႇၶၢဝ်းတၢင်းၸိူဝ်းၼႆႉ မႄႈယိင်းသၢမ်ၵေႃႉ

လႄႈ ၵူၼ်းၸၢႆးသီႇၵေႃႉ ဢမ်ႇလီၵႂႃႇၸွမ်း

ၵၼ် သၢမ်ႁီ သီႇႁမ်ဝႃႇမႂ်း ၼႆသေယုမ်ႇ

ၽိတ်း ယုမ်ႇပိူင်ႈ ၵၼ်မႃးႁိုင်ၼႃႇယဝ်ႉ

မၼ်းပဵၼ် သၢမ်လီ သီႇႁၢမ်း ၼႆလီပွင်ႇၸႂ်

ၵၼ်ၵူႈၵေႃႉယူႇ

      { ၶေႃႈသပ်းလႅင်း သီႇပဝ်ႇၵဝ်ႈႁၢမ်း}

သီႇပဝ်ႇ ၵဝ်ႈႁၢမ်း ဢၼ်ဝႃႈၼႆႉ ဢၼ်ႁဝ်းပွင်ႇၸႂ်တႄႉ ပွင်ႇဝႃႈ သီႇပဝ်ႇ ၵႂႃႇၵႃႉၵႂႃႇၶၢႆပေႃးၵႂႃႇၸွမ်းၵၼ်သီႇၵေႃႉ ၸၢင်ႈပဝ်ႇ ၸၢင်ႈၵဵၼ် ပေႃးၵႂႃႇၸွမ်းၵၼ် ၵဝ်ႈၵေႃႉၵေႃႈၸၢင်ႈႁၢမ်းၸၢင်ႈၽၢင်းၸၢင်ႈပႅတ်ႈလၢႆ 

ၵူၺ်းၵႃႈၽူႈမီးပိင်ႇၺႃႇၶဝ်ဢမ်ႇဝႃႈၼၼ် သီႇပဝ်ႇၵဝ်ႈႁၢမ်းဢၼ်ဝႃႈၼႆႉ သီႇပဝ်ႇ ပေႃး သတ်ႉၸႃႇသီႇပႃးႁဝ်းပဝ်ႇႁဝ်းဢမ်ႇၵႅင်ႉဢမ်ႇၵမ်ၸိုင်း လေႃးၵုၵ်ႉတရႃႇ

ၵဝ်ႈပႃးၼၼ်ႉႁဝ်းႁၢမ်းယဝ်ႉ သတ်ႉၸႃႇသီႇပႃးလႄႈလေႃးၵုၵ်ႉတရႃႇၵဝ်ႈပႃး ၸွင်ႇဝႃႈပေႃးသီႇပဝ်ႇၵဝ်ႈႁၢမ်း ၸိုင် တႃႇတေထိုင်မိူင်းၶမ်းၼိၵ်ႉပၢၼ်ႇၼၼ်ႉၸိုင်ဢမ်ႇထိုင်လႆႈ ပေႃးသီႇပဝ်ႇၵေႃႈၵဝ်ႈႁၢမ်းယဝ်ႉ

ဢၼ်လႂ်တေၸႂ်ႈဢမ်ႇၸႂ်ၵေႃႈဝူၼ်ႉတူၺ်းဢဝ်ၵူၺ်းတႅပ်းတတ်းဢဝ်ႁင်းၵူၺ်း

    {ၶေႃႈသပ်းလႅင်းမႂ်ႇၵမ်သွင် လွင်ႈၵမ်သီႇ}

              ဢၼ်ၼႆႉ ထုၵ်ႇမႅၼ်ႈယူႇၵူၺ်းၵူၼ်းၸႂ်ႉမၼ်း

ဢမ်ႇၸႂ်ႉမႅၼ်ႈတီႈမၼ်း ဢၼ်ၼႆႉတႄႉပဵၼ်

လွင်ႈၵမ်သိၼ်ၽႃႇဝႃႇၼႃႇၵူၺ်း ႁႂ်ႈႁဝ်းၶတ်း

ၸႂ် ၵမ် လိူၼ်မႂ်ႇၼႆႉၵမ်လႆႈ သွင်သဵၼ်ႈ

လိူၼ်လွင်ႈမႃး ႁႂ်ႈၵမ်လႆႈထႅင်ႈ သွင် သဵၼ်ႈ

ၵေႃႈပဵၼ်ၵႂႃႇ သီႇသဵၼ်ႈ ၵွပ်ႈၼၼ်

ႁႂ်ႈႁဝ်းၵမ်သိၼ်တိူဝ်းၼမ်မႃးလိူဝ်ၵဝ်ၵဝ်ႇလႄႈၸင်ႇဝႃႈမႂ်ႇၵမ်သွင် လွင်ႈၵမ်သီႇ ၼႆၼၼ်ႉၵူၺ်း

ၶေႃႈသပ်းလႅင်း ႁႃႈပၼ်ႇတူၵ်းႁူၵ်းပၼ်ႇၶိုၼ်ႈ

    ၵႂၢမ်းၶေႃႈၼႆႉ လုၵ်ႉမႃးတီႈၵူၼ်း တေႃႇၽၢႆႉ

သေ ဝႃႈၵၼ်တေႃႇၵၼ်မႃး ၵူၼ်းဢၼ်ႁူႉ

သမ်ႉလၢတ်ႈၼေၵူၼ်းဢမ်ႇႁူႉလႄႈ ၵူၼ်း

ဢမ်ႇႁူႉၵေႃႈ ဢဝ်တိုဝ်ၵမ်ၵႂႃႇ 

  ၵူၼ်းပၼ်ႇမၢၵ်ႇတႅဝ်ႇၽၢႆႉ ၶဝ်ၵႆႉဝႃႈ

ပေႃးႁႂ်ႈမၼ်း ဢွၵ်ႇ ႁႃႈ ၵေႃႈ ဢဝ်ပၼ်ႇသေ

ပွႆႇတူၵ်း ပေႃးႁဝ်းၶႆႈလႆႈ ႁူၵ်ႈၵေႃႈ ပၼ်ႇသေ

ဝိုတ်ႉၶိုၼ်ႈ မၼ်းတေဢွၵ်ႇ ႁူၵ်းၼႆလႄႈ

 ၸင်ႇဝႃႈ ႁႃႈပၼ်ႇတူၵ်း ႁူၵ်းပၼ်ႇၶိုၼ်ႈ

ၼႆၼၼ်ႉၵူၺ်း

ဢိင်ပိုင်ႈ =မေႃသွၼ်ၸၢႆးၵေႃႇမိူင်း